
CorseCurte24 – Atto finale
Fasinle une vore curte. Il 2024 al è stan un biel an di disocupazion e o ai vût la buine gracie di cjapâ un impegn di chei che ti gjavin vie – in medie – chê orute ogni dì, e une volte al mês la zornade interie, ma ae fin ti dan un pocje di sodisfazion. La robe e jere une corse di mus. Une corse di mus leteraris. Une gare a tapis, une al mês, dulà che i mus a vevin un non e a concorevin in anonimât. Scritôrs plui o mancul esperts a àn ricevût ogni prin dal mês un teme e a vevin di scrivi une conte. Le ai clamade…
CORSECURTE24
TU SCRIVARÂS UNE CONTE…
Un laboratori di scriture, in pratiche, dome che al durave un an.
E ae fin dal an, dai 31 partecipants, a di part di un forfait, cuasi ducj a àn cirût di scrivi dutis lis voltis e a son saltadis fûr 300 e passe contis. E tanti, ma propi tantis, a jerin bielis.
Cheste e je stade la iniziative, in struc.
Cumò o vin finît e e je vignude la ore di premiazion. Ma no si podeve fâ une premiazion cuntun articul online, e alore…
UN SPETACUL!!!
Ai 8 di Fevrâr, là dal Agriturisim Pituel, a Talmassons, si cjatin aes 18.00 par lei la classifiche generâl e discuvierzi cui che a son i mus. Ma ancje par gjoldi un pôc insiemi e lei cualchi conte e ancje, come al solit, par cualchi sorprese. Si sa… no soi bon di stâ cui braçs in glove, maledizion ancje al adhd che si plate come creativitât. Dut câs o fasarin ancje un pocje di radio, un pocje di leterature, un pôc di intrateniment.
O cjatais ca ancje cualchi informazion in plui.
O zonti soredut che se volês, dopo dal event, o vin proviodût une cene insieme, la cene di Contecurte, come che o vin fat l’an passât. E sarà une cene furlane (afetât, un prin, tris furlanissim di frico, brov&mus@ e salmcevolât, vin/aghe/cafè a dome 25 euros). Par prenotâsi mandait une mail a mi o a contecurte almancul dentri di cheste setemane che e jentre. E o vin ancje la opzion vegatariane eh. E savês che li di Pituel si mangje ben.
Ce altri zontâ? Si cjatin là!