Fantate (13)

A van cence rindisi

Cont da lis cjaradoris,

Dai rivâi scalembris,

Da lis pividis

Di tristerie

Cressudis dapardut.

A van zigzetant

Vongolant

Smalitant

Tal tant e tal nuie

Te rundugne

Tai cavalîrs

Tal stram

Te sbrume

Tal tacadiç des sfesis.

A van in nuie

Cul timp o cu la lûs:

Ombrenis

Dal sigûr.

Trad: Vanno senza rendersi/ conto dei solchi/ Delle rive sbilenche,/ Dei germogli/ Di cattiveria/ Cresciuti ovunque./ Vanno zigzagando/ Fluttuando/ Scodinzolando/ Nel molto e nel niente/ Nella gramigna/ Nei bachi da seta/ Nel fieno/ Nella schiuma/ Nell’appiccicaticcio dei pertugi./ Svaniscono/ Con il tempo o con la luce:/ Ombre/ del sicuro.