Sêstu tu O soio jo A stralusî sul prât Di gnot A calumâ la tele Dal rai intal camarin, A solçâ la anime, Grapâ il padìn, Srarî i desideris Fin insom de cumiere. A intassâ glerie, A sledrosâ bregons Lassant dretis Lis sachetis, A scjampâ vie, tu, Pavee, intun tramai Di grisons.   Trad. Sei tu/ O sono

Dai mo. Ven chi. Sentiti. Scolte. Cjape par man un spieli E compagnilu intune Tamosse A spietâ la bolp E la bilite. A rivin di gnot A àn il pêl plui biel Che tu vedis mai lustrât. A àn Une peraule buine Pal to cûr di scartòs. Ti clamaran fantate Ancje se fantate No tu sês No tu