Figo
Soi lât un lamp
Li che tu sês lât
Tu
Par simpri.
Al jere ancjemò cualchidun,
Il gjubot naranç
Une striche di disgracie
Rosse e blancje
Dongje dal binari.
Tu jeris il plui figo,
Il prin cu la biciclete
Cu lis marcis
Il prin cu la moto
Cu la machine
Che veve il turbo
E noaltris canais
O crodevin che al volès dì
Che e faseve tant rumôr.
Tu jeris biel di fâ pôre
Tu ti sarâs taconât
Mieç Friûl di Mieç
E chel altri mieç
Al sarà restât in spiete.
Cumò scolti Nick Drake
Come simpri cuant che i pinsîrs si scurissin
E tu no tu âs mai savût
Dal sigûr
Cui che al jere.
In buteghe si bevin biris
No Nick Drake.
Ti plaseve, mi visi ancjemò,
Electrica Salsa
O cemût che dal diaul si scrîf
E tu cjantavis
Ba Baa,
Ba Baa,
Invezit di zuiâ a balon
Prime di cjapâ la coriere
Come noaltris coions.
E po
lis fufignis potentis:
Che tu vevis impenât cul Ciao
Di Sclaunic fin a Varian
Che Miani al jere tô cusin
Dret
Che tu vevis spudât
Dentri de borsete di chê di Tecniche
E che a chê là di prime
La plui biele de scuele
Tu i vevis tirât ancje la frice.
E noaltris
Scocolant i voi
Ti vin simpri crodût
E forsit
Par cemût che je lade
Nol è stât un ben.
TRad: Sono passato un attimo/ Dove te ne sei andato/Tu/ Per sempre./ C’era ancora qualcuno/ Il giubbotto arancione/ Il nastro delle disgrazie/ Rosso e bianco/ vicino al binario./ Tu eri il più figo,/ Il primo con la bici/ con le marce/ Il primo con la moto/ Con l’auto/ Con il turbo/ E noi ragazzi/ pensavamo volesse dire/ Che faceva molto rumore./ Eri bello da far spavento/ Ti sarai scopato/ Mezzo Friuli di Mezzo/ E l’altro mezzo/ Si sarà messo in attesa./ Ora ascolto Nick Drake/ Come sempre quando scuriscono i pensieri/ E tu non hai saputo mai/ Ne sono certo/ Chi fosse:/ Nel bar si beve birra/ Non Nick Drake./ Ti piaceva, ricordo ancora,/ Electrica Salsa/ O come diavolo si scrive/ E cantavi/ Ba Baa/ Ba Baa/ Invece che giocar a pallone/ Prima di prendere la corriera/ Come noialtri coglioni./ E poi/ Le bugie assurde/ Che avevi impennato con il Ciao/ Da Sclaunicco a Variano/ Che Miani era tuo cugino/ Di primo grado/ Che avevi sputato/ Nella borsetta della prof. di tecnica/ E che a quella là di prima/ La più bella della scuola/ Avevi tirato persino la figa./ E noi/ Spalancando gli occhi/ Ti abbiamo sempre creduto/ E forse/ Per com’è andata/ Non è stato un bene.
