Varessin di fâ fieste
Varessin di fâ fieste
Varessin di bevi
Di gloti il tai
Come se al fos une reson
Varessin voe di dî ancjemò
Alc
Come che o crodìn
Vedin dite chei altris.
Ma jo vevi di cenâ
E o ai cjolt doi ûfs
Doi pagnuts
Formadi
Persut
Cudumaruts
E une bire grande
Tal puest dal tai
E de reson.
Ai cjaminât tal scûr
Sote de lune
E dal orâl
Che gno pari nol pues plui çarpî.
Ai cjaminât çuet
Cence vilotis
E cence zenoi
ator ator, il paîs, al veve
La muse di une buteghe sierade
E lis mans di un vuap
Usadis a savê.
E no ai fat fieste
No ai petenade la zornade
No ai netât la cusine
E il seglâr
Mi à cjalât di sot insù.
O sin ducj tramais
Mi à dit
Cuant che o fasin fieste
Ducj galete cence un doman
Ducj une pivide
Che si contente de zulugne
Savint di sei copade.
E alore varessin di fâ fieste
Par comedâ
Par spindi
Par murî
Par lavâ tal seglâr
La cjicare dal cafè
Che no vin olsât bevi.
Trad: Dovremmo festeggiare/ Dovremmo bere/ Ingollare il bicchiere/ come faremmo con una ragione/ Dovremmo desiderare di poter parlare ancora./ come crediamo/ abbiano detto gli altri./ Ma io dovevo cenare/ Ho preso due uova/ due panini/ formaggio/ Prosciutto/ Cetriolini/ E una birra grande/ Al posto del bicchier di vino./ E della ragione./ Ho camminato nel buio/ Sotto la luna/ E dell’alloro/ Che mio padre non può più potare./ Ho zoppicato/ Privo di villotte/ E delle ginocchia/ tutt’attorno, il borgo, aveva/ La faccia di un bar chiuso/ E le mani di un cieco/ abituate a conoscere// E non ho festeggiato/ Non ho pettinato la giornata/ Non ho pulito la cucina/ E l’acquaio/ Mi ha guardato da sotto insù./ Siamo tutti arnesi/ Mi ha detto/ Quando festeggiamo/ Siamo tutti bozzolo senza futuro/ Tutti pipita/ Che s’accontenta della galaverna/ con la coscienza di venirne uccisa./ E allora dovremmo festeggiare/ Per aggiustare/ Spendere/ Morire/ Per lavare nell’acquaio/ La tazzina del caffè/ Che non abbiamo avuto il coraggio di bere.
