Son cinc.

Dal lusôr smavît jenfri lis fueis

A vegnin indevant pocjis robis

Cloteant e tignintsi pes mans

Che no àn.

Une

Che la tô vôs le cognòs

Ancje di un colp di tos

Dôs

Che ti cjati tal scûr,

Tal doman, tal îr,

Intal burlaç, te pôre,

Fieste e dîs di vore…

Ancje se no ti cîr.

Trê

Che la cjarece de mê man

E à la forme de tô muse.

Cuatri

Che di braçs no ‘nd ai po tancj,

Ma ‘nd ai chei tancj che tu stâs dentri juste.

E cinc

Che vin dit che a son cumò

Che varès ogni tant di durmî

Ma lassi stâ dut

E cul scriviti ti ven a cirî.