Fumate sclagne

Stin

In cheste fumate sclagne

                  [cinisine

Cuntune surîs sui dêts

Vistûts

Di peraulis.

Trop morbin, uce

Burlaç

Tucât tai barcons?

Sui scûrs imberlâts

Lis ongulis sclipignadis

Di cjiche e di cafè.

Tu mende, mari,

Ce che o soi deventât

                    [o almancul

Cjarine di cjaladis

Lis pipinis

Cetant pôc figotadis

                    [cetant

Strachis

Sot des ceis

E revoche une muarte

Cence bisats.

Il crotâr, a ôr

De curint

Al pinsire cence fastidis

Di lâ vie.