DONE Soremobil – gelostellato

Soremobil

Soremobil

O torni a matine
O doi carotis
Vanzadis de diete che no ai fat
Ai cunins
O doi un biscot
Che o ai cjatât ator pe machine
A Obama
Che al menarà la code par un’ore
O scolti Drake
Chel just
Di cuant che no jeri nancje nât
O bêf il cafè 
Cun mê mari
Me pari
I biscots
Un fier di stirâ
E la gjate
Plene di gjats
Sentade su la taule
Tant che un soremobil
Che o vin dome nô
E che nol cole mai par tiere.

Post a Comment

Questo sito usa Akismet per ridurre lo spam. Scopri come i tuoi dati vengono elaborati.