DONE L’odôr di stale – gelostellato

L’odôr di stale

L’odôr di stale

Cul cjalt cjaminant
Di sere pal paîs
‘nd è barcons che inmò
A butin fûr l’odôr di stale
Tignût pe code 
                                 [di agnorums
No si sa cemût.
Compagn ti cuchin
Dentri
L’odôr dai pomodoros 
                                [su la plante
Dai capsui
Dal smîr
                               [de cjadene
Dai scjatons rassegnâts
Parsore de flame.
Frusign de vite lade
Che ti sporcje i dêts de memorie
La fortune di vivi 
Dulâ che par oris no passin
Machinis
E maluseriis
No si varès di straçâ
E invezit.

Comments

  • 14 Luglio 2017

    se dopo si zonte il sparfum de jarbe in boe su le tiese,baste siarà i voi par torna al nestri pais.Biele poesie

    reply

Post a Comment

Questo sito usa Akismet per ridurre lo spam. Scopri come i tuoi dati vengono elaborati.