DONE Vierte e sieriduri – gelostellato

Vierte e sieriduri

Vierte e sieriduri


Un prât di disniçâ
sfodrât di rosis e di crots
Tramais e garbatui fats sù de jerbe
Che e va indenant a fâ fature
a cori daûr ae Vierte

Jo o resti peât
A un gjat dal pel fof
Di braçolâ
Cu lis cjarecis che a si incjastrin
Tes grispis des mans e dai voi

Il pîts a van indenant
A pacjâ in tes pocis
L’aiar al petene i sgrisui
La cjarande
E siere i voi intune gabie di veri

Jo o russi lis mans
Frêt che al samee regalâ colors
Al flât lassât in sfrese
Dut ce che o pensi vuê
Si pues platâ intun butul

Post a Comment

Questo sito usa Akismet per ridurre lo spam. Scopri come i tuoi dati vengono elaborati.