No sai ben cuant che e je saltade fûr la idee di meti adun chest libri, ma o sai che al è sucedût dut in pocjis setemanis.

La esperience de CorseCurte22 e jere nassude, apont, intal 2022, pensade di presse, inmaneade cence tant pensâi parsore, ma che e je vignude fûr une vore ben. Spieghìn un pôc. Une gare jenfri autôrs che e dure un an intîr, a colps di contis curtis a teme, cuntune classifiche che si inzorne di mês in mês. Un zurie tecniche e une popolâr, premis, e bon… int che le cjape ben e e rive a stâi daûr par 12 contis, une al mês, cun di plui bielis. Il 2022 al è stât l’an cul numar di contis plui alt, su la Osterie leterarie di Contecurte, e ancje cu la cualitât medie plui alte. La competizion e stice, si sa.

Ma di li a meti adun un libri, no, no i vevi pensât. E je stade colpe de CorseCurte24, ven a stâi la seconde edizion, doi agns dopo, fate plui biele e struturade, ancje se forsit mancul spontanee. Dut câs, pensant a cemût fâ un event par stiçâ a partecipâ a la CC24 mi ven tal cjâf di doprâ lis contis de CC22, e tornant a leilis, e viodint il lavôr fat cun Lis Contis dal Mês,