Al baste

No ai bisugne di nuie

O scolti i The National, e pes orelis

Al baste

O ai un sfuei di cjarte

Blanc

E pai dêts al baste

Al plûf, dongje di me,

Su la rie de linde

E pe anime

Al baste

O ai un .doc

Devant dai voi

Par scrivi bausiis

E par il gno ADHD

Al baste

O ai un white russian

E daspò

O varai un altri

E pal gno cûr

Al baste

O ai fricis e cui

Che smalitin dulintôr

E pal amôr

Al baste.

O ai biris e pagnuts e coionadis

Che mi spietin

A Glemone

A Gardiscje

A Talmassons

A Tarcint

A Pampalune

A Cjasottis

Al mâr

Tal scûr

E par il fiât

Al baste.

E o ai une cuarde

Gropade come che si confâs

Sul len dê scjale

A pal gno cuel

E baste

E feminis, e oms, e fruts

Dulintor

E pal mont alc

Al baste.

Mancj dome jo

Ma jo

A mi

Mi basti.