A gjestre

O scrîf dome tes pagjinis

A gjestre, sul dûr,

Par comoditât e parcè che no finìs

Mai ce che o scomenci.

Nol fos cussì scrivarès

Ancje sul incomut

E lis peraulis a vignaressin

Fûr folcjadis di revocs

Crotis

Plenis di fam

E di crustadis, dut câs

O scrîf a gjestre

Par comoditât e par fevelâ

Cu lis pagjinis

Dismenteadis.

 

A DESTRA: Scrivo soltanto nelle pagine/ di destra, nella durezza/ Per comodità e parché non finisco/  Mai quel che inizio/ Così non fosse scriverei/ Anche nella scomodità/ E le parole ne uscirebbero/ riempite di riverberi/ Nude/ Piene di fame/ E morsi, tuttavia/ Scrivo a destra/ Per comodità e per parlare/ Alle pagine/ Dimenticate.