Scudielis di scûr

Scudielis di scûr


La lune usgnot

Passade

A someave une scudiele
Cul cûl par jú
Sbecât smavît poiât
Suntune stele,
Jemplade di scûr
Avonde 
Par jessi gulizion
Di ducj
Glotude in premure
Cui tant, cui masse
E nissun nuie
Cence abadâ
Che no je taronde
Tant si scugne
E po
Il clip simpri al torne
Simpri
Nus cjôl vie
Sedi nulât, rosade o zulugne.

Post a Comment

This site uses Akismet to reduce spam. Learn how your comment data is processed.