Padielin e scussis
Il vistît di un mandarin
Si lasse gjavâ
Mostrant agârs di gjoldi:
cercis d’Unvier.
Lu tiri,
Ale narançon cence cuarp
che svuale e si poie sul spolert
disniçant odôrs
dal camarin dai ricuarts.
In bande,
Un padielin che al à plui dai miei agns
Che son tancj, ma aromai avonde.
Il lat al clope,
Tant che la man blancje di un vieli
Che al cîr il clip
Dal çarneli riçot de femine
Che no je plui.
Sot,
Tal Unfier dolç
E braurìn des boris
A crichin lis cjastinis:
Ancje lôr memorie,
Odôr
E scusse.
