DONE I voi dal gno paîs – gelostellato

I voi dal gno paîs

I voi dal gno paîs

I voi dal gno paîs
A son zâi, cence palpieris,
A son sacs di scovacis
Che ti zimiin dut un dret
Di gnot
In spiete di sei sierâts
Par simpri
Dentri ‘tune scjate di refudums
Che a svee lis passaris
E i colomps.
I voi 
Dal gno paîs a son barcons
Che no tu sâs se a cjalin
Bande fûr o dentri
Scûrs
Di no savê
Par no savê
Dentri ce ch’al è
Che al plate e al strissine
I pîts viers i cjantons.
I voi dal gno paîs
A son simpri mancul
Sentâts di fûr simpri
Mancul clârs e cence grispis
A son cualchi volte doi
Doi sôi
I miei
Che si spicin, cence ocjâi
Par viodi il cori dai gnotui
Tes lôr ombrenis sul pedrât.

Comments

  • 1 Ottobre 2016

    I voi dal to paîs a àn une fine cjalade. Mi à plasût.

    reply
  • Barbara
    2 Ottobre 2016

    Forsit no tu sarâs un tabajot cun tancj dal tô paîs, ma il to cûr al fevele, nus fevele di trop biel ch'al è parfin inte gnot, intal svol dai gnotui cu lis lôr ombrenis sul pedrât…

    reply

Post a Comment

Questo sito usa Akismet per ridurre lo spam. Scopri come i tuoi dati vengono elaborati.