Finiment e principi – une poesie par cambiâ an
Ju vevi scrits par talian, il mê bon finiment e il mê bon principi, ma mi plaseve començâ ancje chest blog cun lôr e cussì ju ai voltâts par furlan.
Prin di scomençâ
I vûl finît
E che il finiment, nol sedi fat a câs
Sierâ i dêts
Intun pugn
E butâju vie
Lontan
Cui rimuars
Che a si fasin
Scontrins fruçâts
I displasès
Aiar
Che chel almancul
Nol coste nuie
Invezit pai prins
Tu âs bielzà finît di paiâ
Pai biei ricuarts
Al contrari
Nol varès di jessi intrigôs
Fâju deventâ coriandui
Emetiju in sachete
Par agns
Cence platâju mai
Dopo di chest o brami
Par ducj voaltris
Di rivâ adore a sporcjâ
Il vuestri ator
Cjocolate intal lat
Pluitost che il contrari
Visâsi che e baste une gote
Par tirâ su un mâr
Dilunc di une pagjine
E cence che lis peraulis
A sedin di burascje
Visâsi che une manece
No jentre inta chê altre man
Ma par ledrôs sì
E al fâs il so lavôr
E in ultin o speri
Di no dismenteâmi mai
Che al è plui impuartant il scat
Che la fotografie
Aldo Rossi
"Che al è plui impuartant il scat
Che la fotografie … "
Si no ti ves iodût cussì in buine salût viners a Udin, mi vegnares di pensà chi tu as belzà studiât la epigrafe da to tombe .. 🙂
Oh, salvadi i scherzavi. Però a pensà ben, podares iessi encje la me!
gelostellato
ah ah
no no, nuie editing al calendare
e je mê mari che ogni tant mi dîs i sants e se cognòs cualchidun… i romp lis balis 😉